164

Matindag ya sala y Kagsulu
Kindat-kindatan la ri Kagkislap
I Kagbanwa asul yang malagu
Karing matang ambug nang e kurap.
Tinipa lang Bayntau’t Dalaga
Keng sala ning bengi magtampiso
Lalam ning magayak a Kagbanwa
Mistula lang ati paraiso.
Ligaya ing simpling kapalsintan
Ing tulang atad ning mamung lugud
Mayumu ing pamipasunuran
Ning palsintang pusu lang mibuklud.
–Nung nu ya ing lugud makasale
–Nungka yang magdatila ing lumbe.