Lorung Malabit
Mala-soneto
Sakdal A Rima
*
Ikamung luguran kung tutu’t mataktak,
e ku papaliaryan a ing lua mu patak.
Anggiang pang ing dagat langi ne’t manabtak
e ku rin magbayu ditak man a ditak.
**
Pangaku ku kaku rakang pamatulan
king balang pinandit at sablang paralan.
E dimla ing lugud anggiang pang kapilan,
maski miras katang maigit tiadinalan.
***
Saksi ko ring batuin at banuang malualas,
pakamalan da kang mengari king perlas.
E ra ka gulutan, swerti man o malas,
anggang misubli ne ing bie kung panilas.
****
Ania ing lugud kung dalise at tapat,
agyu ku na sanang keka ipagtapat.
29 Nobiembre 2023
San Simon