Kapampangan Dictionary: voluntary work (without pay)
Gamit:
Sulung o amanu patluran me’yng tali
ngeni ing panaun ikang mitimawa
dening poeta mu e daka tabili
BATARIS da keka’t lingap dang pigampa.
(‘Pamitipan king amanu ku’ – Manolo dela Manolo Dela Pena)
(Sulat a pamamalita at pamaki-balita ning metung a disipulus keng metung a “study group” pang-anak) inyang ala pang Internet.
Dir Ate,
Atatandanan mu me? Balu mu ku. Aku ing peka-anak dili keng kekang tuturung grupu inyang atyu ka pa keni. Balu mu na me ngeni?
Korek, aku i Lina. Ngening balu mu na me, buri ku mung abalu mu ami-miss daka. Kapilan kayu magbisita kekami. Komusta ing pamilya, lalu na deng tsikiting? Komusta ka? Sumulat na ka man.
Ako? okey na me man. Mag “sweet-sixteen” ku ening bulan kaybat megyari keng kolehiyu. Tanda mo, trese-anyus me inyang mekyabe keng grupu. Alus atlu nang banwa, e masanting a balita neh? Ha-ha.
O sige, ekune pakakaba. Sana anggang milya-milya ka kalawut eka mangalingwan. Lalu na aku, emuku sa kakalingwan uling pihung eraka akalingwan.
Panayan kung makabalita manibat keka ne, Ate?
Keng bendisyun ning Ginu.
Lulugud,
Lina.
lalakad ku nandin at inatu ra ku
ngarang aili-aili, matapang ku kanu,
dakal lang damonius deng yatang penuag ku,
at aku mung diling linusub impiernu.
atin lang e saktu keng bage sinabi,
atin naman ustu keng ipse ra reni,
uling ngening tauli, karin ku sisisi
keng impiernung bale tuknangan ku ngeni.
uling ing abe ku, king pangatau na
pitu lang damonius reng magdatun keya,
inia ing asbuk na neng buklat na naya,
lulual la reng pitu at akung arian da.
uling e ko aggiu, minta ku tindaan,
inen ke i Miguel ban na kung asopan.
11/11/23 //07:36
kabang manasikasung parokianus
Bilis nang mulandit ning orasan
E ni’ng makibalu nu papunta
Bata kang kaya makitultulan
Sana nung byasa yang magpaynawa.
Sugiran me man kabang maranun
E ya sumukal-lub, paytigatig
Sapat nang palage pamagdatun
E ya’ng lunto babad payligalig.
Dapot na’ng dail ning pamidapal
E wari sapat oras ing relo
Nanung asapat ning pamagsasal
Nune mu sumure kalbug-aldo.
— Lumakad kang pakala-kalale
— Malambatan yang pulayan ing bie.
( lng Bie ning Manima )Masakit pin tutu, bie king kailugan
nung biasa lang bina, abe mung manasan
ing pijung malyari, nung e mu samasan
ala kang apala, gyang nang kekang gawan
Ugali ding asan, lakwas na’ing talapia
malagwa yang dakpan, king mababo sapa
ustung asalat me, king burak sinapa
lamu dinaklut kang, asan kareng batya.
Kaibat ming linigo, at bayu ke sake
kanita pa kanan, bakal ming tinape
termus ming daralan, karagli yang lage
ban keng maka-ilup, king tinimplang kape.
Agna-agnan kaming babagse pauli
ban e panamdaman, saganan ing pali
anya pane’yng aswal, ban karas palengki,
reng ikwa ming asan, agad lang misali.
Detang mamanangung karin maka-puestu
maka-sadyang tambing, timba ra’t pangilu
itang sakadorang, maki-pamorsientu
keng kayli nang gamat, atin yang resibu.
Makanyan kasimpli, ing bie mi aldo’do
e tuknang dudurut, anti kaming relo
pasalamat mi pa, king Dios atyu babo
neng babi ing ulam, a sigang keng miso.
*06 Nobiembre 2014*(neng WakaOjie Mangalindan Peña)
talagang pisasakluan pagkabie,
asmu king karalas malangi ya,
ala yang nanu mang aggiung ibie
maralas keng sasala lamesa.
ngara ring atinan kung kakialung
masanting ku kanu palak bili,
lingap nang ‘ma pane makayaklung,
mayap la man bili, ila ali;
malualas la man bie nung ukulan,
ing tata ra, atiu lipat-dagat:
berdey, pasku, e akayabe man
e man akaul pabanuang atyat.
— mangalalu la keng e ra tarus
— e re kilala ing sasio dungus.
10/24/23 //05:11
kaibat memuklat gate
ninu ikang kaku magsalita
keni marayu, mibabata ku,
dapot susuatang pane kung ala
warit buring maliliari kaku?
e ku man buri, na’ng akarapat?
ini ing mamapag keng lamesa,
ing manyaplut… -e ka pasalamat
yang manatap? yang pasis iskuela?
nang kalibe? aini ako, ipus,
mibabatang e rakayu akit,
mentra yang banua anggang mapupus,
kayi dandam ku pang paginakit.
— kamalian ku ‘nak, kaniting bage,
— ding pusung mal e la meyantabe.
10/23/23 //14:42
mapilan minutus bayu lumual keng obra
Kalsut nang Kagsala king Alaya
Tultul ya keng pandurut ning yatu
Sablang mabibie king sikanan da
Talakad lang gunyat panibayu.
Pigpala la ring manyabug punla
Subli lang mie kanabu king aun
Karing bayung kukulate daya
Maltang karing sunlag a panaun.
Dapot ikang keng bie megtampiso
Migkasat keng kural ding binabi
Temasan ing laman sebon kanyo
Pebukal keng asupring mamapi.
— O Hudyu kang magbanal-banalan
— Kampun daka ring makasalanan.
Kapampangan Dictionary: rehearse
Gamit:
Anyang e pa LISU lakad ing bie
E pansin ing lumeme nang kusad
Gusut man ayus ing bage-bage
Alang kareng pago makatakad.
(177 – Lakan Diwa)
Gamit:
Ing uran metung yang / cailangan ning tau
A marapat denan / a masusing LISU,
King ban e manyira / maniagasang ustu
At maglacuan dulum / caretang bie tamu.
(“ING URAN” – Orlando Dizon)
ing dati kung tau mikit kami misan,
king lupa na anting atin sinlag timan;
isipan ku, mekad atin kapanayan
a abalik mi pa itang milabasan.
mekad maliari pang maging ikeng addua,
at misulung lugud keng ukdung pangaddua,
at abalik mi pa itang dating tula
a paninapan ku maging katutuan sa’.
meging mayap naman ing lisu ning bage,
apipagkuentuan mi ing miliari keng bie,
at pakalawen ke lupang masalese,
kalagu na… mupin, kebigla king ipse:
— “bala kung mate ka istung likuan daka?
— magmap mabie ka pa?” nganing simbitla na.
11/01/23 //16:55
kabang mamipi
(saddia3x)