๐ŸŒนING KAKUNG TAGUIMPAN ๐ŸŒน

King kataimikan abak a maranun
Kabud ku milingat busal ning dalumdum
Ume nakung lumual at kakung idaun
Ining bibitbitan ning pusung magmalun.

Ing kakung delanan e ku na balikdan
Iyugse king angin ketang kabundukan
Itang bayung dalan ya’yng kakung tuntunan
Karin mitmung tula ampong kapaldanan.

Penapenandit mu lunto ne ing sala
Kaku nang umpisan linisan ya’yng diwa
At balang takbang ku, akit itang nasa
A kakung abutan angga kareng biga.

Lumbe ning pusu ku, e ku na kimkiman
Kening taguimpan ku atin katimauan.

< Tulang ning Magalang >
๐Ÿ’šmelanie26sept2018๐Ÿ€
Melanie Cunanan

This entry was posted in Poetisa Melanie Cunanan Naguit. Bookmark the permalink.

Leave a Reply

Your email address will not be published. Required fields are marked *