Canita ampo ing ngeni? Poema aeiou

Canita ampo ing ngeni.daca’la pamanaliwa.
Pipunpunan dang ugali.mawawala anting bula.
Manane’ng kimut dalaga.e lilan putut mung palda.
Caibat o’t deng baintau.tambing milagu a Maria.
At ing sanga ning pun santul.ikwa na’ng memungang mangga.

Canita ampo ing ngeni.miyaliwa na’la apse.
Bayung suli na’ning labuad.atbang amanu no sane.
Cabang ing Mal tamung indu.manandaman ne king dase.
Sisuan keya menan agcas.kenu sangcan mamamate.
Mipagyu na’mung sambitlan.indu king pusu cu pane.

Canita ampo ing ngeni.e milaco ing supapi.
Mayap king balen memuntuc.abilang mu king taliri.
At nung ica e ca campi.king dapat a salibabi.
Picacasaman da na’ca.cagulut mu sabe ayli.
Lilibad reng tingkapote.lisya ca digpa’ning alti.

Canita ampo ing ngeni.e milupa pamaglolo.
Laun a Tau maginu.anac ngeni saligoso.
Ampang HARANA canita.sinta king awang mu dungo.
Rugu ngeni king dalan mu.pagparangalan da’t uso.
Mipanpan mu bulung sagin.mipamalat Bala paro.

Canita ampo ing ngeni.anac lugud mu milalu.
Katuclu ning alas sais.paswit ning Tata pupucdu.
Agnan tigtig ning campana.dapot king bale na atyu.
Nung e me buring a tacman.muma king buldit ing palu.
Isplica caring palipi.ban e lunto ti mung galgawu.

Makilabas ku Pu nung king besibas Kung apsa
Mituran cang bina iti e cu sadya/sarya.

Mibalangcas ing poesia juniu 27 2018 jasan Saudi Arabia.

This entry was posted in Poeta Eduardo Bagtas Garcia. Bookmark the permalink.

Leave a Reply

Your email address will not be published. Required fields are marked *