Talapamingua ning Amanung Sisuan
Talasulat, Poeta Laureado International
Talasalugsug ning Pilosopia
Poeta Laureado Ning BALEN LUBAO
Y Don Ernesto C. Turla, iya ing pekamanimunang diling kasosyu, talacampania, at pecategawan ning Proyectung Mangapampangan Tamu a pengangasa nang pantun pondu at talataguyud Anak Arenas ketang 2011, nung nu ya mibait lagyu iting catatagan keng Facebook. Cambe rang Director Robby Tantingco ning HAU/CKS, Chairperson Erlinda Cruz ning Pampanga Language Council ampon y Joel P. Mallari ning Kapangulis, mitaguyud ya at mipatupad ing proyectu mabilug a Pampanga. Miampang ya ing kimutan a proyectu antimong lamac qng Aldo Ning Amanung Sisuan 2011, mibait capamilatan ning municala nang Kakang Estong Sigua.
https://kapampanganlibrary.whereishome.info/2021/10/13/mangapampanggan-tamu/
Mestru yang English Y Don Ernie Turla, talasalicsic bocubalariu, poeta laureadu, talasulat, talasalugsug ning pilosipia, macabalen.
Mibait ya ketang January 6, 1938 qng Lubao, Pampanga.
Menucnanganan yang perminenti America inyang 1968, at megyaring B.S. in Education, A.B. in English, and Ph.D in lexicography.
Sinulat na la reng “Classic Capampangan Dictionary”, “Capampangan Folk Songs and Poetry”, “The Divine Fairy Tale”, “Angelina The Avenging Angel”.
Presidenti ya at pundador de reng: Akademyang Kapampangan International, Academia Ning Amanung Sisuan International (ANASI), Aguman Capampangan Northwest U.S.A.
Deng poesia na misulat la kareng librung “A Prism of Thoughts”, “Rhymes of Greatness”, “Best Poets of the Millennium”, at aliwa pang librung pepalimbag ning National Library of Poetry.
Pundador ya naman at talapamilatan da reng diskusyunang grupung
DILA (Defenders of Indigenous Languages of the Archipelago), Searchlight, Fil-am Forum ampon Amanung Sisuan.
Pitunganan yang corona bilang “Poeta Laureado” ning the Holy Angel University inyang May 17, 2008, at ning United Poets Laureate International ketang August 10, 2008.
Capamilatan ning Academia Ning Amanung Sisuan, International (ANASI) a keang pinundar at Presidenti, ding macatuking poeta miparangalan la at micoronan antimong Poeta Laureado ning Capampangan:
Iyang memili, mipasiag at memutung corona cari:
nung nu la miembru, lalam ning keyang tetag a aguman
at Pamuntucan a Academia Ning Amanung Sisuan, Int’l. (ANASI)
-Rafael D. Maniago ning Mexico (2005),
-Renato B. Alzadon ning Capas (2006)
-Marciano Franco ning Lubao (2008)
Iyang mig-prisinta para Poeta Laureado:
nung nu la miembru, lalam ning keyang tetag a aguman
at Pamuntucan a Academia Ning Amanung Sisuan, Int’l. (ANASI)
-Jose Roman Laquian ning Sta. Rita (2009)
-Almario de Jesus ning Apalit (2009)
-Arturo Tolentino ning San Fernando (2009)
-Anak Arenas ning Arayat (2010)
-Marites Magtuloy Evangelista ning Sexmoan (2010)
-Tec Sanchez Tolosa ning Angeles City (2010)
Poeta Laureado Don Ernesto C. Turla
(ampang neng Anak Arenas)
Pagkapuring Kapampangan ya y Don Ernesto Turla
Pamuntuc na ning ANASI, aguman da ring macudta
Qng Olimpu ning Parnaso Laureado yang dakila
Gagalang da’t caluguran ding makakilalang sabla
Kabalitan qng genacan karing bisita’t mamapa
Ing bale na santungan de’t kambilan ding mipasalta.
Ing lugud nang parang tau, sasaksian ding ka-aguman
Ding dakal nang asosasyun gugusala’t pakiabayan
Sibul na ning tula’t saya, kapasnon ning kasakitan
Ding queyang “medical missions” caring taung mangailangan
Promotor ne ning panyulung, ning mal nang Amanung Sisuan
Asias a dalise guintu ning Balen ding Kapampangan.
Nung mipadpad ya mang labuad iti e meging balakid
King lugud na king Amanung pakamalan nang masagid
Mekad miguit pa’ing suyu na, lugud a alang katulid
Caring e man memandayuan malaut naman balikid
Nanu man ing panyukad na, cabalen o magumasid
Keng lugud na at serbisyu, ninu pang mas miguit at Luid.
Mapalad la ding mitagkil, akilala nang Don Ernie
Pauli na ing lugud da king Amanu meging sugi
Ding alang sawa nang canta, paganaca, panasisti
Mangalugud nang amanu, pa-kumpiansa king sarili
Deti ilang kasangkapan bang imbutan ing magsilbi
Sumuyu king Indung Sisuan, Amanung peka-mal dili.
