( ” I CARE ” INSTEAD OF ” I LOVE YOU ” ) , POEM IN BOTH THE CAPAMPANGAN AND ENGLISH LANGUAGE WRITTEN BY THE SAME POET . . .
” LINGAPAN DACA ” QUESA ” CALUGURAN DACA “
( Poemang Lugud )
nang Jose Roman Reyes Laquian
Nung pasiag cu la ding bague / canacung araramdaman /
careng aduang amanu mu / canacu lang sampulungan , /
aduang amanung maniabi , / ” Cacung pagtiwala queca /
ing canacung titibuc a / pusu pati na caladua .” /
Aduang amanung malambing , / magquiriling queng campana /
maniabi careng saquitan / pusu mipacde’t matula , /
aduang amanung malambing , / maniabi lang tapat , Mutia , /
at ing inpierno man maguing / paraiso niting diwa . /
Nung tapat cu lang sabian ding / canacung araramdaman , /
” Caluguran Daca , Sinta ” / queca dalise cung sabian , /
caring aliwang amanu / na niting meto sicluban , /
ilang mamie inspiracion / qng oras-capagsubucan ! /
Dapot nung acalinguan cong / sabian ding atlung amanu /
( aguiang cacatug ning pusu , / ica , Sinta , wa , ica mu ) /
Matapat cung sabian queca , / Sinta , ” Icang Lingapan Cu ” /
quesa ” Caluguran Daca , / Sinta “, ding atlung amanu . /
Ing Lingap yang Pami-Daque / caring saya-ng darala na , /
careng saquit at pamitan / ning pusung lulugud queca . /
Inia nung acalinguan co / ding atlung amanu , Sinta , /
sabian cung ” Lingapan Daca ” / quesa ” Caluguran Daca .” /