Mala-Soneto
Irvin Harvey Rivera
Siuala Ning Maliwalu/Anak Ning Baculud
January 21, 2019

Butul-balat ku mung atmu king kalati
King dusa’t pisakit ayli nakung ayli
O’t tumabang ku lub a mayli nang mayli
Dios yang kalukup kung e bisang kawani.

Panas ku mung piranggut king kapibabatan
Pibekutbekut ku ing ka’kung daralan
O’t tabugan ku ta nung mibabayatnan
Nung kauli bale, dakal ku pakanan?

Na’n ke’ta ing manuk—gulung yang penako
Nung ring pakanan mu, dapal la’t matako
O’t panugalyan ku dapat a masaklo
Nung kabang bie ku mung misaldak, misoso.

Mayap ya ing tuyu agyang asne kalat
Balu m’ya sana nung nu’ ya ta menibat.

SiualaNingMaliwalu #AnacNingBaculud