Neng Al Pedroche
(Vivere Hotel, 4:24 ning abac)
Qng pamimirapal
Nun e ca mimingat,
Mangabaligo ca’t
Misaldac qng burac.
E ca mamaligua,
Pacaisipan mu
Reng balac mu’t galo
At sablang gauan mu.
Sabague tamu ngan
Magcamali tamu,
Ala man ni metung
A tau’ng perpectu.
Pero balang metung
A lalang ning Guinu
Tau ta’ng manisip
Careng tacbang tamu.
E mu cacalinguan
Lumapit qng Ibpa,
Ban e ca malili,
Ban e ca milisia.