masiadu kang maina, maina kang masiadu,
ginising mia pala kabud ing pusu ku,
sangkan kang sinuyu at linugud kaku
dapot al’wa pala itang intensiun mu.
maina kang masiadu, masiadu kang maina,
bala ku malinis iyang kekang nasa
inia ing tangu ku makanian meng ikua
dapot ing sikli mu sari salpak a lua.
maina kang masiadu, masyadung maina ka.
kabud mu mangising ing layun mu pala,
yigyag me mung lugud ing pusu ku keka
king pamagtarayi king balat ning tupa.
kaibat keng sinuku keka ing Bataan,
king makabang lakad misan mu ku likuan.
04/09/20 /15:01
kabang bibilangan deng bariang mitagan
(anapora)