Mala-soneto
Silaba 12 Sesura 6/6
Estropa 3 Quatrain 1 Couplet
Ing dayang kukuri king karelang uyat
anti ning karela malutu at malat
Tidua la bitis at tsatidua la gamat,
pareu dala mung mipapawas balat.
Kalupa dala mu a mamangan nasi,
manamdaman la rin, dimla ampong pali,
Miminum la naman ampong mangapali,
makikintal la rin king baya at api.
Kakabug la naman ding karelang salu,
ustung king pusu ra atin makasilu.
Magdulap la naman palsintan a tutu,
ban akasulu ra ampong akasuyu.
O ba’t karing miming makasulud palda.
mababa la lawe nung makatikdo la?
Rodel E. Gozum
03 Mayo 2023
San Simon