(subuk mu king 10 silaba)
Manibat anyang misangga kata
mesaya ku king papil kung ekstra
king istorya ning bie-kontrabida
ing tula ku e mu sagad banua.
Uling ika ing meging patner ku
e la mu mapilan reng tinerku
king gimpanan mu, kaku misentru
ing makule pulayi ning bie mu.
King sale mu ume kung mesaya
Ing lugma, e na kaku dinugpa
angyang limpad mu misna kababa
e magbayu ing kakung palsinta.
Nung bagse ku ning kailugan mu
Ika ing bangkang paninapan ku.
* 06 Mayo 2013 *(neng WakaOjie Mangalindan Pena)