Mala-soneto
Lorung Malabit
*
Misna king kasakit at mabayat bina,
ania ing aybug ku iyapse ku na sa.
Dapot kakarug ku at migaganaka
pota pikasaman mu ku at isumpa.
**
Ining sinukul ku king kilub ning salu,
nung patakasan ku ba munang abalu,
ing lupa mung kabas ning Virgen malagu
e ya sa maglulam king kamuang milalu.
***
Ing tutu, e ku na, iti ayaguanta,
pota maging salun at kamate ku pa.
Nung ikamua mu man, tabalu, bala na,
e ku na ikulung, paras ku na keka.
****
Atin waring batas a makitaladtad,
e sukat palsintan ing katuglung pusad?
Rodel E. Gozum
03 Hulyo 2023
San Simon