Sinulat neng Antonio Mallari Medina
Ning Baryu Quenabuan, Santa Ana, Pampanga
Iyampang ke pu ining makuyad a bersu sinulat ku para king
simpaticang cabalen tamu atyu king malaut a bansang Italia.
Isandig me kaku, keni nang salu ku,
Iyang kekang buntuk, ban ke pin aguran
Ing buak mung malambut at misna king banglu
Saka ku isitsit dalise panamdam,
Tibuk nang malele, bulung ning pusu ku.
Pakiramdam mu tapat kapalsintan,
Kekang ulinigan ing ngeni denasan,
Ing wagas kung nais ngeni pa pin dimdam,
Kakung kayaduanan sana yang sambitlan,
Ing mayumu mung “wa” ing kakung panayan. 8-03-2014.
🌹 🌹 🌹 🌹 🌹 🌹 🌹 🌹 🌹 🌹 🌹 🌹 🌹
(Darake ke ining makuyad a kudta ning metung a matenakang poeta at malugud king Amanung Sisuan, Poeta Liriku Tony Mallari Medina .
Luid pu, Mang Tony! Nukarin kayu man pu, iyampang ku ing maragul kung kapasalamatan kekayu keng binie yung oras kanaku at dakal ku abalu keng pamagbalangkas poesia. ❤
Panuanan ne pu ning Guinu ing kekayung kaladua at dinan a alang kapupusan a kapainawan king Keang siping. Yanasa.🙏)
🍃 melanie 🍃
