204

Potang ing gyam tinabug ne lasa
Ing pulut man tinubas ne yumu
Dispiras neng pamun ing istoria
Ban lumubid panibayung kuwentu.
Ing panaun sadya mu mang game
Baligo ne sulud karing piblas
Ana na nong pililibe-libe
Ding malan nang dati maka-oras.
Maki-tutuk panaun kaleldo
Bayu ya pa miblas pangtagtuyut
Ing taglagas e kabud na siro
Anggang ing tagdimla e ginulut.
— Nanan ku man ngeni pipagwari
— E ne malwat ing oras panuli.