Malasoneto (sakdal rima 7/7 cesura)
Inyang kinatuk ka king, arapa’na ning pasbul
ali ke maybug buklat , itang takut sisibul
ining kanakung pusu , anti yamong tatambul
ustung aganaka na, ing napung mebalibul
Kinaul mu ing anggang, kalbaryu king milabas
ala kung dimdam keka, e muku pemasibas
gyang pekiarle raka ,kang Judas at barabas
king lugud at pakamal, I Jose ‘yang kakabas
Inya naman ing pusu, ikwa meng apalambut
uling penatiat me ing ,isip kung mengulubut
king uma mu at lambis ,inya ikang sinambut
king karera ning lugud , ikamu ing minabut
Nya pengaku king pusu ,at king batu tinatak
ika mu’ing pakamalan ,aldoldo alang paltak
11/29/23 Ing Babaing Matun