Category Archives: Capampangan Shakespeare

Ing Poetang Capampangan a maca-aliwa dili santing at panga-dalise poesiang cayakitan mu at alimpi careng obra nang William Shakespeare.

ing kayalili

bisita keng pane kening kakung pusu
ing lumbe ning kekang kaku pamandayu,
mamialung keng ukul a mekad e tutu,
nune ing lugud mu (kanaku) pialung mu.
dapot makanian man, salamat keng sinta
a peramdam kaku kanitang ita pa,
salamat keng uma a kaku mu pigpa,
tutu la man deta o aggiang nanu la;
salamat munaman karing kaul kaku
a angga man ngeni piraramdaman ku;
tutu la man deti o palsipikadu,
dimdam ku ing tula, dimdam ku ing yumu.
ing dinuang mung lugud, tutu o ali man,
kapasdul, keng lumbe megin kung alipan.

11/17/22 //17:38
kabang manable “instalimb”

“mebigla kung mipagulisak”

Posted on April 25, 2023 by Tuazon Sabandal

koyang Anak Arenas, siguradu ku balu ye ing eksenang ini a kukuentu ning metung a anak -e ku ne mu rin sabian nung nanu yang klasing anak uling balu yu ne mu rin. bala na la mu pung misip retang … Continue reading →

Posted in Capampangan Shakespeare, PL Tuazon Sabandal, Poesia, Sonetu | Leave a comment

red carpet

Posted on April 25, 2023 by Tuazon Sabandal

megawa ya pu ini kabang magkape ku, atin ku kasing susulat a kuentu (prosa) ning metung a anak a maluka a ginawang diary (diary ning paperback writer), kayi kitnan ne i indu na nung nanu la retang bulung keng pasbul. … Continue reading →

Posted in Capampangan Shakespeare, Kaugalian, PL Tuazon Sabandal, Poesia, Sonetu | Leave a comment

“mipanusignan sang pane”

Posted on April 23, 2023 by Tuazon Sabandal

milakad ku sana king busal ding taua ala metung man masisiku kaku,at kareng takbang ku sana siguraduing ala metung man maralpak kanaku;king lalam na sana nining banuang asuling makanian mu rin, e ku makadamulneng miririnan kung katimawan ukula masiag ideya … Continue reading →

Posted in Capampangan Shakespeare, PL Tuazon Sabandal, Poesia, Sonetu | Leave a comment

“i tata kung Pedru”

Posted on April 23, 2023 by Tuazon Sabandal

nandin sasarul ya i tata kung pedrubigla yang mibatbat alang nanu nanu,buri ke man ibuat, nanu ing gawan ku?inia milayi kung mentun al’wang tau,kewung ke ing ikit e layun akinis,layun kung patagal inia tinalilis;pelupalu na ku, mepakli ku bitispero ginapang … Continue reading →

Posted in Capampangan Shakespeare, PL Tuazon Sabandal, Poesia, Sonetu | Leave a comment

“king mabilug a lugud”

Posted on April 22, 2023 by Tuazon Sabandal

adduang ukdu rakang ‘nurungan keng adduan-keng adduan ku kekang ing lugud pisuluan,pisuluan ing lugud a alang pilatanking pamilapat ta babayang katawan.kareng adduang ukdu a inurungan ku,panakit ku kasi e buu ing lub mu,wa man, at buri mung musig ka kanaku,pero … Continue reading →

Posted in Capampangan Shakespeare, Lugud, Palsinta, PL Tuazon Sabandal, Poesia, Sonetu | Leave a comment

“e mangandiria”

Posted on April 21, 2023 by Tuazon Sabandal

dimdam keng persunal keng pangatau kuitang sinabi na metung a tau,metung matenakan karas kareng bersu,uling ing pusu na dunut yaring ustu:“e ko pangandirian deng lasip,” ‘yang gingkas,“a maniamantalang marangle ning oras,king pamikasala e malilingasngas,at kenung konsensya ing e mimamasmas.at ing … Continue reading →

Posted in Capampangan Shakespeare, PL Tuazon Sabandal, Poesia, Sonetu | Leave a comment

“e king nanu man sangkan”

Posted on April 21, 2023 by Tuazon Sabandal

ing lub, alang aldo a e me delawanban ing kakung lupa arinan meng timan,uling suala mu pa’ ana ne kaniaman,anti yang musikang pakapiramdaman.bala ku pin dati, bilib ku mu kekauli ning ganaka’t ning aslag mu lupa,o ning talik kaul, o … Continue reading →

Posted in Capampangan Shakespeare, Palsinta, PL Tuazon Sabandal, Poesia, Sonetu | Leave a comment

“ot e mibalek?”

Posted on April 21, 2023 by Tuazon Sabandal

neng dagpa ing uran anti yang maniora,anti nang sasabian, “komusta mulala?atiu ne gamat mu, nanu ka pa gewa?ot pebusten me pang misan mu meyala?ot matinatinang tutu naka timan,tutu naka aili’t sagakgak masikan;ing kulang keng bie mu kaibat meng atupan,ot pepaburen … Continue reading →

Posted in Capampangan Shakespeare, Palsinta, PL Tuazon Sabandal, Poesia, Sonetu | Leave a comment

“king alaala ning napun”

Posted on April 20, 2023 by Tuazon Sabandal

deng kanakung bitis mabayat la takbangpero susulung la, e la bisang tuknang,masukal ining lub pero e tatabangtumalas king napun a kaplas inampang,pablasang king napun karin ya megabaking salu kung keka megunang mataktaka megin sangkan na ning bagyu babataka pepalbug kaku … Continue reading →

Posted in Capampangan Shakespeare, PL Tuazon Sabandal, Poesia, saddia3x, Sonetu | Leave a comment

“ing kakung poesia”

Posted on April 20, 2023 by Tuazon Sabandal

ika ing rima na ning kakung poesia,at ika munaman ing metapora na;ikang lindayug da ring keyang bersada,at ika ing pusu, at keyang kaladua;makanian munaman ikang keyang suala,ing yumu ning gale -ika’t alang al’wa;ika ing king lumbe manaliling tula,ampo ing salpitik, … Continue reading →

Posted in Capampangan Shakespeare, Palsinta, PL Tuazon Sabandal, Poesia, Sonetu | Leave a comment