* Marimla ing klima, masikan ing uran, pilming dakal la ring misakub a kuran. Pelalung ing bangi, mangakudkud kanian, ala nang mitagan anggiang kabutilan.
** Lungkas no naman ding mamamagbaluktut, a karing ulas da mamamagkulubut. Sumapa no naman ding mabayat gulut, a karing pagkeran mamamagbakutkut.
*** Dakal no naman ding e lungub king obra, magsakit-sakitan, anggiang masikan la. Malagnat la kanu, ita ing sabian da, potang maus la ring taga-upisina.
**** Marimla ing klima, masikan ing uran, marakal no naman ding lumobu atian.
Mala-Soneto Irvin Harvey Rivera Siuala Ning Maliwalu/Anac Ning Baculud June 25, 2018
Quitang mu ca’cu nung “caluguran daca?” Mequibat cu ngacu, “miguit pa canita”, Miguit pa canita ing ‘bie cung ulaga Mangga na qng ca’cung marimlang bangcala.
Ing lugud cu queca miguit ia qng bie cu E ia capilanman miririnang sepu Pengacu cu queca maguing qng bangque cu E ca capilanman misimpan canacu.
Nung ing camataian iang mie capupusan, Ing uagas cung lugud e na misuglungan Pab’ren mu qng banua, carin cu balicdan Pengacu cu quecang Lugud alana’nggan.
wa, kilala ku ne karin king iskuela itang taga-ilug ibat pa kanita; dakal la’ ring oras ding gisan ku keya; aldo’ldo, maralas mabibengi ku pa. isipan ku kasi a atiu ka mu ken, e nakaman mako e rakaman sesen, e mabating aggiang e raka lalawen, at manatili ka e raka man banten. ita ing mali ku, meging pabaya ku. o ba’t e ku binten iyang kabilian mu? o’t ing sikanan mu e sinese ustu? ngeni ku sisisi… e ka sa’ mua kaku. bumawi ku keka amanu kung sisuan, pakasesen dakang mabilug kagiwan.
Gamit: nanu pamo kaya nung ita tutu ngan at e mu king ukul kabud mamialungan? mekad king pusu ku lakuas makalinguan a TUBAS na pala ing sintang gilutan.
(patugut na sana – Tuazon Sabandal)
Gamit: yagape ra ka sa’ kaku keng pagkeran, kaku ing palad mu ipatung ria naman ban kekang damdamang e pa KETUBASAN a siri at pali ining panamdaman.
SEVEN (7) EUCHARlSTIC RULES OF LIFE Pitung tuntunan ning bie Yukaristia nang: PL Sergio Gramonte Calayag
1) Bring your life to Jesus.
Ing pakakamalang bie, kang Hesus idala Kening Santa Misa, keni makiabe ka Ing kekang sarili, idaun me Kaya Akua me’ng ulaga, at ing kalamnan na
Iya sanang basan, Ebanghelyo nang Juan Kabanatang anam, tutu nang amanuan Katawan na’t daya, tune yang pamangan Ini ing simbitla, king tauling apunan.
2) Be present to JESUS.
Keni Santa Misa, iyang tutung atsu Saka makirandam, gigkas nang amanu Nung katawan atsu, isipan alayu E me papansingan, mayupayang Guinu
Katawan mu’t diwa, idaun me Kaya Keting ka-orasan, kening Santa Misa Susulapo isip, o mamialungan ka Ala ing presensiya, tune mebating ya
3) Thank Jesus’ for what you have.
Ining Yukaristia, amanung salamat King tauling apunan, ngeni ne tinatag Metung a regalo, a tutung atanggap Tune yang pamangan, keng bie tang masampat
E ka pasalamat, ika ing mikabus? Kareng grasyang tinggap, ikit mung mamagus Ing bie mung masikan, at grasyang mibulus Iyang pigpa keka, ban e makalunus.
4) Ask boldly for yourself and for others
Dakal kakulangan, a tutung kailangan Kening pamibie-bie, sabian mung masikan Ilang anyawaran detang kayaduanan King oras ning misa, deni itas mo ngan
E mo kakalinguan, detang mangailangan Ilang ipanyawad, king Guinung miglalang Aliwa mu’ng keka, ila reng pakiduang Pati reng aliwa, ilang rampulayan.
5) Ask forgiveness and forgive
Aduan mu rin Kaya, ing kapatawaran Gewang kasalanan ampon kakulangan Ing pamikasala, ilang kekang sisian Keni Santa Misa, keni idaun mo ngan
Kaibat mong adaun, ika’ng mamatawad Kareng mikasala’t, e ginawang mayap Keka lang pangadi, matsura dang dapat Ban ilang magbayu, at mikabieng ganap
6) Offer your sufferings to Jesus.
Idaun la mu rin, dening kasakitan Ing sakit at bayat a kekang dadalan Ba’mung panandaman, tune kapaldanan Kening Santa Misa, ilang ibie mu ngan
Kalupa nang Abel, iniang yang migdaun Ing pekamasanting, ini yang dinaun Arap ning Dios lbpa, keni ka dadalung Iyampang mu Kaya, mikabieng maratun
7) Seek Jesus’ heroic will for you.
Parating itanam, kening kaisipan Ing lugud ning Guinu, keti king sikluban Saka pigunaman, kayang kasakitan Dusa at pasakit, a tutung denasan
Kayang kabayanyan, iya sanang akit King krus ya mipaku, tune megkasakit Sakit nang delanan, iyang memalipit Ba’mung aligtasan, ing bie mung mapait
Anya pigunaman, kening Santa Misa Mayupayang Guinu, keni manenaya Iyang pakisabian, at sumuyu kaya Lugud a dalise, keni akamtan la.
Ila sang ikabit kening kaisipan Potang ika’ng simba, ing Dios pakisabian Ining kekang isip, e ya lipang-lipang Tune nang presensiya, akit king pisamban.
(Aral nong Fr. Manny Flores, National Chaplain ning ANF, ketang seminar ding Adoracion Nocturna Filipina, Diocese of Tarlac council, iniang Setiembre 14, 2019, lele Tarlac cathedral)
ing lugud mu kaku ot biglang melabug? o’t biglang mebating? o ba’t biglang limbug? o’t biglang meyala? o’t biglang tinabug? o ba’t likuan mu kung king lua ku makalbug? nanu ing sala ku? o nu ku migkulang? migkulang ku wari king sintang inampang? o kulang ku lambes? o keng oras galang? pero ing respetu, piwu ku e kulang. inia ing kutang ku o’t kaya meko ka, at likuan mong bitas ding tabun ding mata, at likuan mu pusu a sassio dunut ya king pangapatanang e mu libung dusa? king pusu mu wari ala nang bitasa ing lugud mu kakung saddiang babie tula?
iniang saganan ko reng addua mung mata e ku apagsaddian ing salamangka ra inia malaggua kung meging alipan da; akatulan na ku ning ausan dang sinta. telan mu ku yatu… at telanan gamat, mesala ku yatu at menalipatpat; uli ning miglapo sintang alang salat, kaluatan, ding labi ila ring milapat. ing luguran daka, iyang meging tula, warit iya kabud ing kaku pasaya, mu pin, o ba’t anting memiru ing kalma, iniang ing lugud ta gilutan mung bigla. merulum ing sabla, ing tula tinabug anti king lugud mu a misan mu limbug.
