manintun kung bage keka pagregalu
bilang paganaka nung nanu ka kaku;
manintun kung bage ban kan’ta balu mu
ampong aganaka ing keka lugud ku.
king kapapantun ku aisip kung bigla
ing mantun kung relo ban ibie keka sa’;
itang simpli dapot sukat paganaka
keng pamiyabe ta at lugud tang addua:
kase ban balu mung mangaulaga la
reng balang pinandit a kayabe raka;
laganas a oras ‘giang neng tatabug ka,
lakuas naman detang neng masaya kata.
uling alang oras kening kanakung bie
ing e maulaga neng ikang kayabe.
08/03/20 /14:42
bayu mangambas dutung