ding umang tikman ku a pekamayumu
ila retang kareng labi mu igtal ku,
mekad pauli na ning lulut dang ustu
-melulut la keng pun -keng pun a pusu mu.
tutu kung mewili a mamamanagtal,
buri ku sampulung e mu tunggal-tunggal
bala mu mo oppiu a aggiang pang bawal
pilit pakikuanan ‘giang matabtab batal.
lakuas pang metula iniang ‘tulut mu na
ing pamiraup da reng adduang salu ta,
dimdam ku ing tula a nung e mu kan’ta
e ku penamdaman itang anti ita.
ngening ala tana, kareng napun namu
karin ya titiman ing e mailing pusu.
08/10/20 /16/51
kaibat metudtud gatpanapun.