ot kaya ala kung panamdaman mu man
aggiang dit mung tula king keyang kandungan?
‘giang tingiran ning lub a pakiramdaman,
alang ibat keya aggiang baggiang timan.
isipan ku pamo pakamalan na ku,
panininapan ku ing lambis na kaku,
pamitan kung pane ing umang mayumu,
at kaul a munie tulang e mu nanu.
mu pin, imbes tula ing kaku ibie na,
ing keyang pupukul amanung matsura,
nung e ya kuntentu, neng misan sumpa pa.
nanu wari rugu ing depat kung sala?
kan’ta… manako lang pinandit a tula,
ngening mebuu ku, obat kaku ya mua?
04/26/20 /19:38
kabang manayang misindi ing koryenti