Neng Al Pedroche
3:21 ning abac
AYUP a malati,
Pacpac a capurit,
Macasulapo ca’ng
Anti mong sandirit!
Nanu ya man catas
Aguiu meng sulapuan,
Ania queti sulip
Casuelu cung laluan!
Aniang iquit mu la
Reng batuing quiquislap,
Ngamu: “punta’n daca
Anggia man quiquildap!”
Pecasamasan mu
Yng quecang sulapo
Magcasaquit ca man
Balamu aguiu mu.
Minangin masican,
Pacpac mung malati
Qng quildap at uran,
Tambing lang mepacli!
Nung nanu yng catas
Ning quecang sulapo,
Macanian mu naman
Yng quebaldugan mu!