nandin sasarul ya i tata kung pedru
bigla yang mibatbat alang nanu nanu,
buri ke man ibuat, nanu ing gawan ku?
inia milayi kung mentun al’wang tau,
kewung ke ing ikit e layun akinis,
layun kung patagal inia tinalilis;
pelupalu na ku, mepakli ku bitis
pero ginapang ku keng aggiu kung bilis.
iniang dasan na ku keng pamanagal da,
ikit ne i tata, makabulagta ya,
binuat neng sinopan keng pangabatbat na
kabang lalon nakung daranum ya mata.
inen ke i tata keng ospital nandin
kabang bubuat naku ning marimlang angin.
anak ning Kapampangan
04/30/21 /16:48
kaibat mengan motsi