milakad ku sana king busal ding tau
a ala metung man masisiku kaku,
at kareng takbang ku sana siguradu
ing ala metung man maralpak kanaku;
king lalam na sana nining banuang asul
ing makanian mu rin, e ku makadamul
neng miririnan kung katimawan ukul
a masiag ideya kenu man kaputul;
anti mu rin sana mayap lang magobra
rening kakung gamat kening marangle ra,
ampo neng abe ke ing kanakung pluma
pane sa’ng malinis ing obra’t layun da.
iti, pagpursigian, at adduan kung mayap
Kekayu nung kenung ing inawa tinggap.
04/23/23 //07:25
bayu manos pinggan