Neng Al Pedroche
(Alas singcu ning abac)
Yng maraoc a bisyu
Pangilagan tamu,
Bisyung macalasac
Qng bie na nín tau.
Droga, sugal, alac,
È mu no abilang,
Caladuang melili,
Mesira cabiaian!
Yng gauàng caiapan
yng gàuan ta’ng bisyu,
at nun maliàri iyan,
casanting ning yatu!
Bisyung micalugud,
Bisyung misasaup,
Ala nang calulu,
Ala nang maranup.
Casanting ning yatung
Gueua na ning Guinu,
È me lalasacan
Queng maraoc a bisyu.
Palaganas tamu
Yng pamicalugud,
Yng gracia ning Ibpa
Mibulus na cabud!