mapamialungan ya’t katulan nang bina
ing sagradung bini, lakuas neng mamunla,
dapot ‘niang keng pinla peusbung ing kalma
-e bala ing sala, abugtu nia mu sa’.
iti’yng alibubu keng pusu na’t ukul,
ining keng atian na ing tinubung bukul,
bukul a keng kilub siam bulan panaun
marandam yang kikiak ing metung a pungul.
deng kaluguran na, ing atul da keya,
(malaguang pamanda keng keyang prublema)
kabang mura ya pa, ligang serpentina,
-lasawan ne’yng bukul kilub ning atian na.
-e na yata balu, nu la anti ring tud
ding keng bage ini reng seriang paipudpud.
***ini ing dati kung istilu keng pamaniulat a mediu akalinguan ku na.