“ngening aku na”

ligpasan na naku ning oras kabukas,
ala no king banua reng sablang estrelias;
penabi na nala nitang aring migtas
uling dinatang na itang keyang oras,
dapot angga ngeni e ku tutulutan
ing tundung tubud na ning kakung pagkeran;
‘giang mabayat nala pilit kong aguantan
ding talukap matang manayang usignan.
“bunso, ing pusu ku e na aggiung ‘yuna
ing tundung manaplit kabang malagnat ka
-aganaka ke pin i apu mu kan’ta
a akung malati’t aku ing bunsu na….
ngeni ko aintindian deng mata nang ima,
kan’tang malati ku ot anong kabasa….”