deng kanakung mata atin lang pamitan,
ing kanakung pusu, makanian munaman,
bage maluat ku nang pagduglan, at adduan
ban tapus ing lumbe niting pilubluban.
ing bage pamitan a akit ku na sa’
a kening pusu ku tutung munie tula:
ing tiro ka buldit aggiang e mu seria,
at ing atian anting seriang sasagana.
aggiang keng litania pane makayabe
ing atangal keka ing milagru ning bie,
ing pusu ku yata e pa makabage
dumanas king tulang ibie niting bage,
inia angga ngeni bigu ku pa mata
a tangal king bage adduan ku king Banua.
06/30/23 /’20:55
kaibat minapun
***e ke pu bandi ing larawan