nung ibulus meng anti mong alak
ing pusu mu kening kakung saru,
‘bulus mung laganas angga palak,
ala kang tatagan aggiang nanu.
deng kamaganak mu, reng saru ra,
laganasan mu lang bulusanan,
potang kaibat mung agawa ita,
bulus meng e bawas kaku naman.
at milapat kung takap kanini
king durungdungan ning banuang asul,
at kintalanan keng selyu ini
karing amanung e biasang murul:
e angga potang e na bie ing bie,
uling tutu king bie buring ibie.
10’18/23 //21:21
kabang painawa kaibat minapun
***uyab ne ning “soneto 9” ning Lorung Malabit