Category Archives: Poetisa Patria Bondoc David

Lockdown

Posted on June 6, 2023 by Patria Bondoc David

Oyni ing resulta king pane nang lockdown,ining kekong Apu , kule neng kalawang,imbes na puti ya , tatanam yang kagtuan,king pali ning aldo , ala yang pakialam,mistula ne mupin lupang mangkukulam,maski glutathion e na talab kanyan,uli’ning tuling na sagad na … Continue reading →

Posted in Makuyad, Poesia, Poetisa Patria Bondoc David | Leave a comment

Adobu -pusit

Posted on June 3, 2023 by Patria Bondoc David

3:35 PM na , ngeni kupa maugtu,ngeni pa kinumpa ‘yang nandin kabsi ku,ngeni dalyan kune ing pusit adobu,maki kayabe pang kapayang mayumu.😋😋😋

Posted in Pamangan, Poesia, Poetisa Patria Bondoc David, Prutas | Leave a comment

Prutas

Posted on May 29, 2023 by Patria Bondoc David

Mekapanagtal kung prutas a mapilan,bayu ya man datang ing uran masikan.Keni kilub bale ku la palulutan,ban e la masayang, ‘me ko pang nabangnan.

Posted in Poesia, Poetisa Patria Bondoc David, Prutas | Leave a comment

Laing

Posted on May 25, 2023 by Patria Bondoc David

Oyan ing laing kung maki bola-bola,tinud ya linamnam ken pamung sangkap na,e ya manget dila uling mapiga ya,at ditak ya asin ban mayumu lasa.

Posted in Pamangan, Poesia, Poetisa Patria Bondoc David | Leave a comment

Pakbit -paugtuan

Posted on May 23, 2023 by Patria Bondoc David

Oyni melutu na ing kekeng paugtuan,kabang mapali pa muna nakung mangan,kasi pinandin mu dakal kupa gawan,inya bahala no reng abe ku kanyan,balamu wari ku , e lapa danupan.

Posted in Pamangan, Poesia, Poetisa Patria Bondoc David | Leave a comment

Ing Sampagang Talayib

Posted on May 11, 2023 by Patria Bondoc David

King malugud a kapanyausan nang koyang Bien a panimunan ke ing pamamye sampul keng pamanggale makabidyo , ngeni pu iyampang ke kekayu ing simpling pakibat ku ketang milabas a “Bulaklakan ” ning amanung sisuan , panupaya yupu nung ing ginamit … Continue reading →

Posted in Bulaklakan, Gale, Poesia, Poetisa Patria Bondoc David | Leave a comment

Bulan, bulan

Posted on May 5, 2023 by Patria Bondoc David

Magkanta kupa saguli 😂 Bulan , bulan balduganan mukung palang,Nanan me ing palang?Pangutud keng kwayan,Nanan me ing kwayan?Gawan ke ing bangan,Nanan me ing bangan?Lulanan keng pale,Nanan me ing pale ?Papakan kung manuk,Nanan me ing manuk?Paten keng siklaud ! E kune … Continue reading →

Posted in Kanta, Pamangan, Poesia, Poetisa Patria Bondoc David | Leave a comment

“Nokarin ka Tatang ?”

Posted on May 4, 2023 by Patria Bondoc David

Bala kumo sana liguran muku ‘Tang,minasa ku pamong é muku pabustan,king bingit ning kakung sakit aramdaman,atyu ka lele ku’t apisan mu kanuan. Maski é mu balu ing kakung saingsing,nung atyu kamo sâ kening kakung siping,ikit mu sâ bili é melalâ … Continue reading →

Posted in Poesia, Poetisa Patria Bondoc David | Leave a comment

“Okra”

Posted on April 25, 2023 by Patria Bondoc David

King alkus da pamu reng kekang sampaga,masaya ku mata neng lalawen ku la,at neng mapanat la , lalsut puru bunga,kanyan kuna kamtan ‘yang lubus ligaya.

Posted in Gule, Poesia, Poetisa Patria Bondoc David | Leave a comment

“Tíman”

Posted on April 20, 2023 by Patria Bondoc David

É mu sâ pabustán , mawalâ yá keká ,ing tíman king labi’t , masayâ mung lupá,at mayayakit pá , karéng kékang matá ,ing sabláng lawé mu , mabanglúng sampagá .King luálas mung pusû , agyû mung palub ngán ,ing bálang … Continue reading →

Posted in Poesia, Poetisa Patria Bondoc David, Sonetu | Leave a comment