Biernis Santu
Jesus Macapayan
Ing cayang catauan tau perusan deng alang lunus,
Miputung coronang sucsuc, caplas king utac menaglus,
Pemalatbat de’t pemaldu cabang mamusan yang curus,
Pibatan na ngan ing sakit ning pacamal tamung Jesus.
Maging caibat nang metandus king cayang talindikingan,
Peparamdam ya pang lugud careting menampalasan,
Ibpa patauaran mo sa’, nganang Jesus Macapayan,
Pablasa pin e ra balu iting carelang gagauan.
Dacal a salamat keca, kecaming Guinung Dios Jesus,
Careng pamicasala mi, ica cabud ing menatbus,
King capamilatan na ning pangapacu mu king curus,
Inya pupuri ke keca, mal ming Dios Talapangabus.
Tune mu’t carapatdapat, bie mi ing pamisalamat,
Uling ica cabud ing Dios, a lulugud kekeng tapat.
E. P. D.