nung luguran na ka ning metung babai,
kalupa mo aku a metung lalaki,
wa man buri na ku, mu pin ing miliari
e ne man bubulad, e neman sasabi;
damdaman ku na mo a pagduglan na ku
king lambis na kimut parikil kanaku,
lagu-lagu no mo reng mata na kaku,
mas mabayat waring pasyag king amanu?
nung makarukit ku laggiu keng pusu na,
pati keng amanung yayapse na sana;
nung buklat ke salu ban lawen ke ita,
ing munang mibuklat ing pa’ng keyang blusa….
sagli… ita kaya ing buri nang sabian,
ing lugud na kaku ban nang patunayan?
04/13/23 //19:17
kaibat mendilu