Pablasang balu mung keka ku malsinta,
pero lalagpas ka keng gulis ning linya,
e ku panusigan mibuklat ku blusa,
para mu masubuk yang lugud ku keka.
Pakatimiran mu ing kakung amanuan,
e ka bisu bisung sasabing anti yan,
pota masikad ka , miras ka kangkungan,
nung nu reng piranhang karin manuknangan.
Inya samasan mu ban e raka sakwil,
e mu na pabustan manyabing suwail,
anggiaman kapurit sindagul a butil,
e naka babanggit ,ban e ta mibungil.
Inya patugut ka , tanggapan daka pa,
makanyan ing lugud a yampang ku keka.
4/14/2023
10:03 PM
Kabang magparang tundu