Neng Al Pedroche
(Alas tres ning gatpanapun)
Cuanan mu yng catas
Ning tùla ning anac,
Samutan mung
lugud at tune a galac.
‘Que mu qng ducanan
Ning pusung busilac
Paburen mung magluat
Anti mo queng alac.
Dinan mung mayumung
Pamicaluguran,
A e malalasac
m’agyu man o muran.
Qng arap ning ayun,
Manalacaran ya
Alang macasira
Queta qng tibe na.
Caibat ausan mu la
Sablang caluguran,
Yng alac-ligaya
Quecong pirungutan.