ngening mitungi kung amanung malagu
keng rimang tutungge kaniang kekang laggiu,
pota isipan mu a ing kekang pusu,
ken keng bulung kuayan pisake-sake mu;
sana ali uling ding kakung amanu
dalise la layun, tapat lang ‘yapse ku,
keni lang pusu ku manalagang ustu,
uling alang pusung tumuas keka kaku.
…uling nung atin pin, aliwa sa’ ika
ining daraunan kaniting poesia;
aliwa sa’ ikang tema ra ring rima
a mililindayug purung pamalsinta.
dapot ikang sinta -ita ing katutuan,
at ing amanu ku, kekang ayaligan.
03/18/23 //09:05
kabang magpalanging buak