Pakibat kening panagkat
nang poeta Irvin Harvey Estanislao Rivera ‘ Nu ing katalauran’
Nang Manolo Dela Pena
February 23, 2019
Tutu ing milyari / anyang naka adwa
Lalawen kung relo / ing matataranta
Kabuklat king pasbul/ ating lampa lampa
Asalubung matua / matsura nang kalma
Ing titiris tiris lakad nang mangayna
Tinayid ke pamu / meko nang malagwa
Atin pang milyari / kunlis ku king napun
Kalupang ofw / matudtud king gabun
Ketang pitudturan /sepinan keng kartun
Karing keukulan / karin ke dinaun
Telaga king lub ku / kaku mibie misyun
Kening bage iti /ing e ku penintun
Nu y’ng kataularan? / manintun pakibat
Pakibat e akit / mata mu man buklat
Yang makasalikut / king pusu mipukat ( meduag)
Atyung kataularan / ikaba mung gamat
Mensayi ning Guinu / keka ra payatad
Ikang manalaru / ibuklat mung palad
‘Ala ing justicia / king martilyung yakal
Alayu mu naman kening pusung bakal
Salamat ka Irvin
Ngeni ke pa ikit ini, panupaya me yan