Makatapilan besis na kayung mekasake tren a alang pasaheru, dapot e ne man makaparada mu kabud at makaluwal yang pamasada. Ing treng ini asaken ke king Sydney ketang mipapasyak ku karin, at atiempuan keng aku mung dili ing pasaheru keng bagun a ini.
Kalinis da reng luklukan at ala lang mantsa reng karelang “frames” ampong balut. Pati keng lande nang vinyl malinis munaman at alang pakakalat a dinat o balat pipanganan.
Makapasno sake kareng saken patse malinis la at e la magulu ampong pendinatan a itsura. Sana maski nukarin tamu munta anti kanini ing akit tamung kapaligiran bangkanita palagi tamung mayan a pakiramdam.