atsing Sinucuan, metung ya pu ini kareng piesang iyabe ku ketang metung nang tsapter (pamipangatawan) nitang gagawan kung librung “ex-ex-ex” a atin migit 100 a piesa kabilugan. kabilang ya itang “o, kakung angel a malati” kareng piesa -keta neman pung tsapter a “angel a malati” ita.
“uling ing pekasangkap na”
tabalu pilan lang palapag deng banua
aggiang metung yamu ing ayang ligaya,
pero obat keka ing disan kung gloria
iyang asabi kung matas dili ita.
mekad uling ika diosa ka munaman
karin ka king bunduk Olimpung karinan
inia ing ambrosia balu meng sangkapan
(a menguna kaku iniang kakung takman).
matas at marayu ing lasa na niti
keng nanu mang kanan keng sulip a ini,
makanian ka epag inia pin ing sisti
paninintunan ku lasa angga ngeni….
mekad ing sangkap na uling purung lugud,
at iti e paling katawan mu kabud.
04/27/23 //11:53
kabang panayan mako ing sasaken keng terminal