nang: PL Sergio Gramonte Calayag
Ini nang pamamatawad, mengari ya ketang uran
Tune alang pipilinan, ketang lugal nang dugpanan
Kalupa na niting lugud, e mamili kaninu man
Makualta ya o kalulu, iyang dapat iparandam
Nung lulugud ka’t mamili, e ya lugud ing gagawan
Keng makanian karaptanan, kekang lugud yang tutuknang
Pansarili’ng kekang nasa, tune alang kapuntalan
Pilming ika’ng manenaya, manenayang kayablasan
Nung lulugud kareng maina, at kasaman ding masikan
Nung lulugud kang kalulu, at mabandi pikasaman
Alang lugud a magbabo, at keng pusu makalulan
Pablasang ing lugud parang tau, e mamili kaninu man
E maliaring kekang lugud metung ya mu ing parasan
Kalupa ning Guinung Jesus ketang kayang kamatayan
Iyang mete babo ning krus, ban atbusan ing sikluban
At ali mu kareng banal, pati reng makasalanan
Kabuklat na ning masala, sumlag ya ini nang aldo
Laganap yang kayang sala, iyang akit babo yatu
E mamili ninung dasan, nanu ya man pangatau
Makanian sa ing maliari, neng lulugud parang tao
Salamat kang Sir Robby P Tantingco ning HAU-CKS
ccto: