Neng Al Pedroche
(4:30 ning gatpanapun)
Misan ta’mu
dumatun
Qng siclubang iti,
Istung mepupus
ne yng bie,
E’tana misubli.
Ania yng sablang
Caiapan, ngeni
Dap’tan ta na,
Ban qng diua
Da reng mabie
Mitas ta ulaga.
Queng caiapan
Na ning Guinu,
Carin ta melalang,
Ania Yamu’yng
pamarisan, at
dapat ta’ng tuquian.
Yng bie anti’ang
Tanaman, licas
Yang mamunga,
Den ngang pait
A tenam mu,
Ya’murin yng bunga.
Yng yumu’ng
Pamicalugud
Yng dapat mitanam,
qng pusu
Da reng tau at
Sablang lelangan.