nang: PL Sergio Gramonte Calayag
Libo walung dalan siam a pulu at siam ya ing banua
Kanam aldo na ing Junio, iya ing mitakdang petsa
Heneral Emilio Aguinaldo, iyang dineclara
Balen Bamban ing capital niting bangsa tamung sinta.
Ketang documentong mekua, keni balen tamung tibuan,
Makapirma’y Aguinaldo, yang capital a sasabian
Itang bunduk ning Ligaya (LAFE) iyang kuta at santungan
Panimunan nang (Venancio) Concepcion, ing heneral a matapang
Kening mesabi nang petsa, at abasa kareng amlat
Itang telegraphic message, keni Bamban ya menibat
Papuntalan de l Luna, iyang akit makasulat
Karin king Nueva Ecija, metambang ya at inabat.
Atin mu ring makasulat, ketang metung mu ring libro
Tinipa ya istasyung tren, l Heneral Aguinaldo
Katipa na keta nang tren miglakad dinalan metro,
Keta king maragul bale, ini iyang nang distino.(Cuyugan ancestral house, +Jesus Feliciano at Lucy Mc Laughlin ning San Nicolas )
Anya dapat pagaralan, kekatang kaselesayan
Kanita reng tuking dai, lalu na rening magaral
Ilang atin balung sabian, kening baleng pakamalan
Pagmaragul ining labuad, Bambanenseng mituringan.
Ala tanang pagmasusian ing Bamban day a meyaus
Pipagalan ding minuna, iyang linto makalunus
Balikdan ta ing milabas, kulkulan la ding mikutkut
Patungkul keng balen tamu, biayan la ring misalikut.
(Dakal a salamat kang Prof. Lino Dizon
Araling Tarlaqueño)