Lucas 2:18-23
Anti ning pangabait na
I Hesu Kristu kanita
Kang inda nang Birhen Maria
At Joseng megi nang tata
Mitanguanang kasal sana.
Bayu ra ikuang mikasal
Mebuktut ya i Mariang mal
King upaya ning dinatal
Ispiritu Santung banal
Kadua ring Personang sakdal.
I Joseng kayang katipan
Tau ya king kabanalan
I Maria e ne pebustan
Misalbag kamarinayan
At binalak neng kawanian.
Kabang iti isipan na
Keng paninap pepakit ya
Ing angel ning Ginu, ngana
“Jose, tatakut ali ka
Pakasalan ya i Maria”
Ing pangagli na milyari
Keng Ispiritung pauli
Ban ipanganak ne niti
Metung anak a lalaki
Hesus palagyuan me iti.
Iti milyari ban keta
Matupad ing sinabi na
Ning Ginu karing propeta
A ing birhen manganak ya
Ban ipanatbus king sala.