Lorung Malabit
Adle English Sonnet
Rima abab cdcd efef gg
Silaba 10 Tadlatad 14
Estropa 3 quatrain 1 couplet
*
Pagmaragul kung Kapampangan ku,
dapot ita e ya maging sangkan,
ban ding kalupa kung Pilipinu,
malatian ku nala at umisan.
**
Dakal matenakan at matikdî,
karing palipi nang Apung Sukû.
Dapot karing aliwa mang daî,
atin mu rin biasa at matinû.
***
Aliwa mu yaku itang atin ,
kikiwal a daya da ring rahậ.
Ding sapni nang Lapu-Lapu karin,
mardikas la naman at timauậ.
****
E sukat ing mababa ku lawe
karing kalahi ku at kakule.
Rodel E. Gozum
05 Pebrero 2016
Munoz, Quezon City