Category Archives: Adle

Klasi ring mialiwang Panyulat Kapampangan

Putu

Posted on April 12, 2023 by Patria Bondoc David

Kaibat ming meugtu ginawa kung putu,asno king kalasa asmu nopa banglu,mayayagad la pin kada akikid ku,inya ing apu ku atne tula kaku,pero e na balu mekintal ku ornu,kasi melingo ku kareng sinayosu.

Posted in Pamangan, Poesia, Poetisa Patria Bondoc David | Leave a comment

❤️ sitsit ning pusu ❤️

Posted on April 12, 2023 by Melanie Cunanan Naguit

E ra ka pin akakit…Atiu na ka man keng isip ku,E ra ka rin atagkil…Atiu na ka man keng pusu ku. ~ ningning ning magalang ~🍃 melanie10abril2023 🍃

Posted in Poesia, Poetisa Melanie Cunanan Naguit | Leave a comment

Regalu

Posted on April 9, 2023 by Apung Gusting

nang Apung Gusting2 February 2016Riyadh, KSA IÁldóldo langú ya’t magmalun parati,Menibat anyang ing abe na miglandi;Mabintî nang alkus e na anting dáti,Pépaburya’na na pati ing sarili. IIIning mamugtung nang kaya manenaya,King tukuran eran makatalungku ya;Karing asiad yamuk sàne neng mibataAntabayana’ne … Continue reading →

Posted in Poesia, Poeta Apung Gusting | Leave a comment

PANYUBLING MABIE NANG JESUS

Posted on April 9, 2023 by Orly M Dizon

Juan 20:1-10binersu neng Orly Manalo Dizon;Orthograpiang: C-K (ca, ke, ki co, cu);Sucad: ualu ualu:Talatag: anam balang estropa;Estropa: apat 1Ketang aldo panentra ning / paruminggu dening grupu(alagad)I Mariang tubu Magdala / e ya iti micontentuMaranun ya iting minta / ketang cutcutan … Continue reading →

Posted in Maleldo, PL Orly M Dizon, Poesia | Leave a comment

🙏 PUSU MUNG MALUGUD 🙏

Posted on April 9, 2023 by Melanie Cunanan Naguit

Guinung Jesukristo, pusu Mung daliseBubukal ing lugud kekami dinakeTinipa ka sulip, mengaral, miglakbeAnggang pangapaku, Ika’yng kayantabe. Ala namang sala, Ika miparusanPusu Mu mesugat, tune misakitanTinulu ing dayang kabanal-banalanAt Kekang inatbus, manang kasalanan. Alang makatantu king lugud Mu, JesusMitmu yang kayapan … Continue reading →

Posted in Maleldo, Poesia, Poetisa Melanie Cunanan Naguit, Sonetu | Leave a comment

“Mepupus na”

Posted on April 9, 2023 by Eric Dizon

Biernis SantuJesus Macapayan Ing cayang catauan tau perusan deng alang lunus,Miputung coronang sucsuc, caplas king utac menaglus,Pemalatbat de’t pemaldu cabang mamusan yang curus,Pibatan na ngan ing sakit ning pacamal tamung Jesus. Maging caibat nang metandus king cayang talindikingan,Peparamdam ya pang … Continue reading →

Posted in Maleldo, PL Eric Dizon, Poesia, Sonetu | Leave a comment

Araru (putusecu)

Posted on April 9, 2023 by vhelle garcia

ATIN KENG istoria, a macapacailining pisan cung meging drayber ning Victory;Ing rota na ning bus, a cayang bibyahiPasay papunta king Olongapo City Caretang magtinda, atin yang casamana e na buring king, bus na sasampa man,at nung acakit neng, manabat king … Continue reading →

Posted in Komidya, PL Vhelle Garcia, Poesia, Poeta Laureado | Leave a comment

ITANG KEANG PANGATANDUS AT PANGACUTCUT NANG JESUS
JUAN 19:31-42 (biernis santo)

Posted on April 9, 2023 by Orly M Dizon

binersu neng ORLY MANALO DIZON;Orthograpiang: C-K;Sucad: ualu ualu;Talatag: anam balang estropa;Estropa: atlu 1Uling aldo da ding Jud’yos / ipagselebran ing FiestaDing’gang bangke e la dapat / manatili ketang crus da,Antimurin itang Sabbath / a pagmasusian aldo raCang Pilato inauad ing … Continue reading →

Posted in Maleldo, PL Orly M Dizon, Poesia, Poeta Laureado, Uncategorized | Leave a comment

Panabilin

Posted on April 9, 2023 by Apung Gusting

nang Apung Gusting04/09/18 Riyadh IIng amanu tamu labuad kapampanganMagjingalu ne king baul nang karinan.Makatibi ne king marimlang kutkutanUling gilutan ye, ikong kayanakan! IIKing sibuburyan yung sabing Amerkanu,Mangat ko wari at ing atut yu manglu?Kapampangan ya ing amanung sinusu,Obat tagalug ing … Continue reading →

Posted in Amanung Sisuan, Poesia, Poeta Apung Gusting | Leave a comment

matas ka wari uri?

Posted on April 9, 2023 by Tuazon Sabandal

nanung kekang leguan? sampaga ka wari?makule ka waring anting pinanari?at nung sampaga ka, nanu kekang uri?ot ditak la yatang keka makiburi? at nung ditak lamung makiburi keka,malagu ka kaya nung mang dalaga ka?o, nung baintau ka, matikdi ka kaya?o nung … Continue reading →

Posted in Amanung Sisuan, Capampangan Shakespeare, PL Tuazon Sabandal, Poesia | Leave a comment