Nung aku namang kukutnan? Buri ku ne itang dungu
Kesa kanyang saligoso pikasnukan a balu ku;
Uling ing kasaligoson a milalu at masyadu
Mumuli mung kabastusan lalto nang kayalan modu
Ing pangimut a magaspang kakambal ning basagulu
Karin la pin lalto retang tatakpan da nang dyaryu
Ing ugaling saligoso busalsal at barumbadu
Maka sumaming akakit uling e asal maginu
Anti mu rin kareng anak ing nalikut ampon pilyu
Ya ing parating sasakab babarugan dang latiku
Anya yan e kailistuan, nune yan keyalan modu
Ena dapat panugalyan ninu mang matinung tau
Yang balu kung saligoso maki ugaling magaspang
Ere buri mang tutuki nukarin mang kumbidahan;
Uling daig ne pang minum anak metung a tapayan
King aske nang makasuya pikarine reng kayagnan
Lalu potang miras nasa ing oras na ning pamangan
Anggang kangatbang lamesa titikma na at gogongan
Anti mo itang balu kung saligoso anyang misan
Pikpuk de rugu kamao kng kagogong ketang ulam
Malyare, nyang ditak namu ing king silyo makatagan
Bilus na ngan king pinggan na ba na mung asarilinan
Kng panga-sora na ata ning kasiping na luklukan
Bigla ne telan a tundun at ngid-ngud ne ketang dulang
Dale, tanggapan ku na mo, ing keti babo ning yatu
Dibg tau adwa la klasi ‘ting lolokwan at magloku
Ing saligoso abe de reng magloku parang tau
A mabibye king pirayit ampon king pama- merwisyu
Inya keraklan karete? Bubuluk la kng presidyu
Nung mate la? Kaladwa ra maruluk ya kng impyernu
Inya ngako, mayap na pin itang mang -mang ampon dungu
E byasang magsamantala at mag-lamang parang tau
Ninanu mo kng bie keti e sumulung at misensu
Nung pota naman mate ya siping ne ning apung Guinu
At uli ning ugali nang marangal ampon mapinu
Malyaring atin pang upayang maging metung ya pang Santu
Yang masyadung saligoso? Nung ya naman ing malsinta
Ere buri mang papanik kng bale na ning dalaga
Makananu? Anti ya mong sikretas a mag-rekisa
Ing kabilugan a bale durutan kalutkuta’na
E man biasang maniklaud karing darasa’ nang matwa
Eme balu pangatau nung iti kulang sobra ya;
Ali me apilmi lukluk king si dua’na nitang sala
Balamu potru yang kambing a mebulus king kural na
Ding pengari ning babai makanyan lang e kumpiansa
Inya ustung ati ne yan? Pilmi mu ing mag-bante la
Ere lakwan dili-dili karungut na ing anak da
Inya ing saligoso mo? Eya naman maka- diga.
