(Anonymous)
Ume ca canacu, O sinta cung Maria, qng cacung candungan
Ilapat me cacu, ing maalindug mu’t, marictang catauan
Pagtumaila naca, aus ning daluyung, cacu lilisangan
Ba mung apiuari, ing pali’t panirug, ning quecang palsintan.
Bustan mung uman que, ing mabanglu mung buac, gulut mung balugbug
Cabang sisitsit co, ding mauang saingsing, ning cacung panirug
Palasap cu queca, ing yumu da tagquil, ding labing mamagud
Ba mung e calinguan, ing lambing at lamius, ning queca cu lugud.
Ante dampian cu la, qng pialung ding labi, ding matang mapundat
Ding ma-arcung quile, babo ding quiquibut, at mamung talucap
Matimias dang tubu, ding mapamusit mu’t, malantic a irap
Bustan mong maquialung, pagloloan ding cacung, labing e migagap.
Pupugan cong uma ding muruc mung pisngi qng lagu mequintal
Cabang piramdam me ing pali ning cacung catauang gagalgal
Ing banglu na singo ning quecang catauan a sasalingalngal
Lalung babie sidji at sicad qng cacung cauang e mitigcal.
Cabang lilipo ca, o Maria cung Sinta, babo ning ligaya
Cacu lang angcamin malambut mung labing dadarang qng baya
Cacu yang simsiman, yumu ning lugud mu qng pulut ning sinta
At maglacbe cata qng caring babo bunduc ding capitung Gloria.
Potang ding labi mung misna qng cayumu layun nong manintun
Papunta qng cacung masias a catauang queca mendaluyung
Ding canacung labi ila naman caring bunduc mu maglayun
At ing carictan da cacung ipasilad qng aping titipun.
Canita baslen de, ding canacung labi, bubua mung catawan
Ing malacrema nang cutis ning balat mu, cacu yang panuman
At qng balang dampi ning cacung pangaibug qng maua mung laman
Mucyat ca Maria cu, qng capitung Gloriang, alang casing-niaman.
At caris mu carin, quetang taluctuc na, ning Gloriang ligaya
Qng pecamaselan ning quecang carictan carin cu magbanda
Canita ding cacung labi at ding labi ning bandi cung sinta
Queng cacung panirug, lagpus da ca sinta, quetang Gloria Banua.
Carin ulit-ulit, ipalutang daca qng sintang macule
Bamung apiuata ing pecamaniamang ligaya na ning bie
Cabang susungab cu queng caselanan mung qng banglu dalise
Caring biga’t, batuin, magpalundag-lundag, queng diuang maglacbe.
Cabang maglacbe la, ding quecatang diua, qng bunduc at biga
Ing quecang calauat qng cacung catauan managcat pang bisa
O canacung Maria caring saingsing mu’t labuyung pagnasa
Queng cacung caibugan, lalu cung sisingcad, daragul, cacaba.
Cayumu na sinta, sisibul a pulut, qng quecang carictan
Cabang cacawe cu queng ilug ning quecang mauang caselanan
Ing catas ning quecang pangababai mung midin capaldanan
Anti uaring alac a lalung magpasyas qng cacung sicanan.
At ding quecang labi, qng lalung sisilad, cung pangalalaqui
Ing caul da’t agud babie catigjauan a alang cayanti
At ing catawan mung e mipasno-pasno queng niamang mal dili
Anti waring quitis alang patnang acbung a salasalisi.
O sinta cung Maria, cabang daragus yang, mayumu mung sibul
At ding saingsing mu cundiman la uaring matni mung mumungul
Cabang paniglon me bulas ning bandi cu quetang pangacaul
Panigutan daca qng ruruc nang Gloria ning muruc mung pasbul.
Cabang lalagablab, ya’ng murang catauan, mung balinquinitan
Yawat daca pa mu qng pangacaul mu qng malbag cung laman
Labi mu’t labi cu, dila cu’t dila mu, dinan tong capasnuan
Ing mau cung bandi luban ne’ng bandi mung alang casing-niaman.
Saca me damdaman, maibug yang mapatlud, ing quecang inawa
Magpabugsu-bugsu, magsingap-singap yang quecang pangisnawa
At balang lindayug ning cacung catawan paldan da ca Maria
Qng libung ligayang ngeni mu pa ticman ibat qng mebie ca.
At cabang lual-lungub, cu qng sariua mung, bilugang catawan
Qng balang galo cu sasagana neman ing quecang balacang
At balang galo mu, ing canacung lagiu pajicbi meng ausan
Tanda ning ligayang paulit-ulit mung pilalasa’ niaman.
O Maria, Maria cu, alang casing-anti ing dulut mung yumu
Qng quecang catauang alang casing-lantic bauat jimaymay mu
Ing lalam na’t pali, sacmal na’t panagud ning caselanan mu
Sasalipad ne ing diua’t caladua, catlung paraisu.
At ngamu “o irug, caniaman, caniaman, eca papatugut”
“Sige pa, sige pa, palual-me-ipalub, palalam-paigut”
“Uman mu cu susu, quinisan mo tampuc, palasan mong utut”
“Palub me ngan cacu ing mibabaya mung paindung e lalambut”.
At ngacu, “o Maria, cacung sintang Maria, caniaman, caniaman”
“Nanung gagawan mu ot cacanianan me ing cacung catawan”?
“Tagquil ning balat mu, lambut ning laman mu, banglu mung lulutang”
“Sipit ding hita mu, cabid ning bandi mu, maibug cung camulang”.
